Нийгмийн даатгалын ерөнхий газрын даргын зөвлөлийн ээлжит 3 дахь хурал болж, 21 аймаг, 9 дүүргийн Нийгмийн даатгалын газруудын 2025 оны үйл ажиллагааны зорилт, хэрэгжүүлэх арга хэмжээний төлөвлөгөөтэй танилцлаа.

Нийгмийн даатгалын үйлчилгээний чанарыг сайжруулахад чухал нөлөө үзүүлэхүйц нөлөөллийн ажил болон гарч буй шинэлэг санал санаачлагыг дэмжин ажиллаж, эдгээрийг салбарын хэмжээнд хэрэгжүүлэх боломжийг бүрдүүлнэ.

Мөн 21 аймаг, 9 дүүргийн нийгмийн даатгалын газрууд, аймаг, дүүргийн харьяа төрийн болон төрийн бус байгууллага, хэвлэл мэдээллийн байгууллагын ажилтнуудтай хамтран ажиллах, Нийгмийн даатгалын хууль тогтоомжийг олон нийтэд сурталчлах ажлыг эрчимжүүлэх шаадлагатай байгааг Нийгмийн даатгалын ерөнхий газрын дарга онцоллоо.

Газрын даргын зөвлөлийн хурлаас Нийгмийн даатгалын газар, хэлтсүүд ажлын уялдаа холбоогоо сайжруулж, хамтран ажиллах, салбарын бүх шатны ажилтан, албан хаагчдыг чадавхижуулах, хууль тогтоомжийг хэрэгжүүлэн ажиллахдаа нэгдсэн нэг ойлголттой байх, шинэлэг, бүтээлч ажлыг санаачлан зохион байгуулах, нийгмийн даатгалын хамралтыг нэмэгдүүлж орлогын төлөвлөгөөг биелүүлэх үүрэг даалгавар өглөө.