Хөдөлмөрийн аюулгүй байдал, Эрүүл ахуйн сарын аяны нээлтийн үйл ажиллагаанд Аймаг, Сумдын ХАБЭА-н салбар зөвлөлийн гишүүд, ААНБ-ууд оролцлоо. Энэ жил ‘Уур амьсгалын өөрчлөлтийн нөхцөлд эрүүл, аюулгүй хөдөлмөр эрхэлцгээе‘ уриан дор улс орон даяар зохион байгуулж байна. Нээлтийн арга хэмжээг аймгийн Засаг даргын орлогч дарга Б.Наранбаатар  нээж үг хэлж, ОБГазрын гал түймрийн хяналтын улсын байцаагч, ахмад Б.Будсүрэн, НДГазрын даргын үүргийг түр орлон гүйцэтгэгч О.Байгальсайхан, ХХҮГазрын хөдөлмөрийн хяналтын улсын байцаагч Э.Урантунгалаг, ЭМГазрын яаралтай тусламжийн эмч н.Даваажаргал, Шивээ-Овоо ХК-ийн ХАБЭА-н ахлах инженер А.Тулга, Петротрак ХХК-ийн ХАБЭА-н ажилтан М.Саранчимэг нар тус тус илтгэл тавьж, “Шивээ овоо” ХКомпани аюулгүй ажиллагааны сайн туршлагаасаа танилцуулж, ХАБ-ын хамгаалалтын хэрэгслийг үзүүлж, сурталчилан ажиллаа.

-Сарын аянаар байгалийн давагдашгүй хүчин зүйлийн нөлөөллөөс ажилтны эрүүл мэндийг хамгаалах, аюулгүй хөдөлмөр эрхлэх боломжийг бий болгох, ажлын байран дахь осол, хурц хордлого, мэргэжлээс шалтгаалсан өвчлөл болон бусад эрсдэлээс урьдчилан сэргийлэх, ХАБЭА-н хүрээнд сайн туршлагыг судлах, түгээн дэлгэрүүлэх, нэвтрүүлэх, хөдөлмөрийн аюулгүй байдал хариуцсан ажилтнуудад мэдлэг олгох сургалтыг үе шаттай зохион байгуулах, хөдөлмөрийн харилцаа, ХАБЭА-н тухай хууль, тогтоомж, дагаж гарсан дүрэм, журмын хэрэгжилтэнд хяналт, шалгалт хийх, мэргэжил арга зүйн зөвлөгөө өгөх зэрэг ажлуудыг тус тус хийхээр төлөвлөсөн.

-Манай аймагт сүүлийн 5 жилийн байдлаар үйлдвэрлэлийн ослын 32 тохиолдол бүртгэгджээ. 2023 оны байдлаар үйлдвэрлэлийн ослын 4 тохиолдол бүртгэгдсэн байна. Өмнөх оны мөн үеэс 57,0% -аар буурсан үзүүлэлтэй байна.