Улсын Их Хурлын чуулганы 2023 оны 07 сарын 07-ны өдрийн нэгдсэн хуралдаанаар Нийгмийн даатгалын багц хуулийн шинэчилсэн найруулгыг хэлэлцэн  баталсан.

Хуулийн хэрэгжилтийг хангах зорилгоор Нийгмийн даатгалын ерөнхий газар “Нийгмийн даатгалын багц хуулийн шинэчлэлийн хүрээнд албан хаагчдыг чадавхижуулах сургалт, сурталчилгааны төлөвлөгөө”-ний дагуу сургагч багш нарын багыг томилон аймаг, дүүргийн нийгмийн даатгалын хэлтсийн албан хаагчдыг чадавхижуулах сургалтыг  зохион байгуулж байгаа юм.

Тус сургалтын хүрээнд 2023 оны 10 сарын 12-13-ны өдөр  Нийгмийн даатгалын ерөнхий газрын Дотоод аудит, мониторингийн газрын дарга Б.Ганхуяг, ахлагчтай баг Говьсүмбэр аймгийн нийгмийн даатгалын хэлтсийн нийт 15 албан хаагчдад  “Нийгмийн даатгалын ерөнхий хууль”, “Нийгмийн даатгалын сангаас олгох тэтгэврийн тухай хууль”, “Нийгмийн даатгалын сангаас олгох тэтгэмжийн тухай хууль”, “Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хууль”-ийг хэрэгжүүлэхэд анхаарах асуудлууд сэдвээр сургалт хийж, сургалтад оролцогчдын асуултад хариулт өглөө.

Мөн тус баг бүрэлдэхүүн Говьсүмбэр аймагт үйл ажиллагаа явуулдаг 25  ажил олгогч байгууллагын удирдлага, хүний нөөц, нягтлан бодогч нарт нийгмийн даатгалын багц хуулийн шинэчлэлийг танилцууллаа.