Нийгмийн даатгалын Үндэсний тогтолцоог бүрдүүлж, хөгжүүлсний 20 жилийн ойг тохиолдуулан Эмнэлэг хөдөлмөрийн магадлалын үйл ажиллагааг боловсронгуй болгох, даатгуулагч (иргэн)-ийн хөдөлмөрийн чадвар алдалтыг сэргээн засах тусламж, үйлчилгээний чанар, хүртээмжийг нэмэгдүүлэх чиглэлээр идэвхи санаачлагатай ажиллаж байгаа Эмнэлэг хөдөлмөрийн магадлах комиссын гишүүн, эмч, албан хаагчдыг шагнаж урамшуулав.

Нийгмийн даатгалын Үндэсний тогтолцоог бүрдүүлж, хөгжүүлсний 20 жилийн ойн “Хүндэт тэмдэг”-ээр  Эрүүл мэнд спортын яамны Дотрын ерөнхий мэргэжилтэн С.Наранцэцэг, Мэс заслын ерөнхий мэргэжилтэн Л.Амгалан, Мэдрэлийн судлалын ерөнхий мэргэжилтэн Д.Өлзийбаяр, Чих хамар хоолойн ерөнхий мэргэжилтэн Г.Цогтжаргал, Гэмтэл согог судлалын ерөнхий мэргэжилтэн С.Отгонгэрэл нарыг, “Нийгмийн даатгалын хүндэт ажилтан” цол тэмдгээр Чингэлтэй дүүргийн Нийгмийн даатгалын хэлтсийн дэргэдэх Эмнэлэг хөдөлмөрийн магадлах комиссын гишүүн Ц.Гэнэндулам, Увс аймгийн Нийгмийн даатгалын хэлтсийн дэргэдэх Эмнэлэг хөдөлмөрийн магадлах комиссын гишүүн Ц.Алтанцэцэг нарыг, Нийгмийн даатгалын ерөнхий газрын “Жуух бичиг”-ээр Эрүүл мэнд спортын яамны дэргэдэх Дотрын мэргэжлийн салбар зөвлөлийн нарийн бичгийн дарга Д.Нарантуяа, Мэдрэлийн салбар зөвлөлийн нарийн бичгийн дарга Л.Энхсайхан, Сэтгэцийн мэргэжлийн салбар зөвлөлийн нарийн бичгийн дарга Н.Оюунчимэг, Хан-Уул дүүргийн Нийгмийн даатгалын хэлтсийн дэргэдэх Эмнэлэг хөдөлмөрийн магадлах комиссын гишүүн Ч.Уранчимэг нарыг шагнав.

Эмнэлэг хөдөлмөрийн магадлах комиссын нийт гишүүддээ цаашдын ажил хөдөлмөрт өндөр амжилт хүсье.